庚寅年深廣百里行完結編

Selton

今次系我第四年參加
但今次喺我最辛苦及最痛苦的一年{:8_323:}  
第一天出发准时九时出发
暴哥带头带领着十多位參加者，至公明玉律村暴哥一不小心成为今次的'第一损手'
至中午午饭后天公为考验百里行队员的胆色及毅力，落着微微细雨，队员依然冒雨上路，另轻生轴承生绣莫错过一年一次的百里行
我身为补给车队长，更加要贴身为他们服务
但第二天的我，中了急性肠胃炎，正天肚子好不舒服{:8_327:}  
我用我的意智力压着，直至整个活动完毕
兴功宴，我只能坐着饮热茶及不时到访'洗手间'，美食我只能望着。

不过亦喺最准时出发的一年
因为连暴哥都学会守时{:8_314:}

百里行人物介绍

Selton

百里行人物介紹 2

Selton

沿路冒雨前進實況

Selton

沿路地標大合照

Selton

輪鞋大比試

HAMMER

暴哥受伤了??严重吗??
唉....在冰场等了他半天了!!
祝早日康复!!

义哥

寒冷的春节,热火的轮滑!

Selton

附上冰河大哥这次百里行的相簿
http://www.52lh.com/space-2-do-album-id-116.html

Selton

转载参加者严先生的感受
深圳广州轮滑百里行，一个自己咁大个人唯一一次主动将一个有付出无收入慨活动作为目标…
我…一个几十岁中坑，发达无望，本来叠埋心水打份牛工够养妻活儿就算，真系从来都无乜目标。
一次偶然机会，比人昆左个仔去学踩roller，发觉平时个衰仔都有D心机学，但系一个人就无兴趣玩，于是就想买对鞋陪个仔玩下等渠无咁闷，于是就上网搵下D轮滑慨资讯，咁就上左呢个香港轮滑网，当时应该系09年二月左右。
系个网睇丫睇，见到"深广百里行"…睇完觉得好感动，一班人男女老幼无视外界渺视目光，就算受伤，就算跌倒，依然无惧风雨互相扶持一同向目标前进，确系值得尊敬慨精神。
心底里面同自己讲，运动系需要有呢份精神！亦为自己定下一个目标…不论成果，参加百里行！
引用小齐哥一句话：「话比人知轮滑唔系飞仔慨玩意！」

目标有左，但系同好多新手一样…怕肉酸！
终于三月初鼓起勇气系当时加X买入一对Seba-T开始正式接触呢样运动，
系度同小齐讲声对唔住，买鞋个日我最后讲大话：「呢个只系玩具…」，其实我并无咁谂…重记得小齐短讯叫我入会时我答渠：「会我一定入！唔系点去百里行！」，百里行从头到尾都系我玩轮滑慨一个目标。
参加聚会后接触左好多新旧会员，发觉个会气氛好好，大家会好无私咁去教其他人，
会员之间亦天南地北，无所不谈，年龄性别并无差别存在，实在非常开心。

转眼间，着上Seba-T接近一年，轮滑技术亦叫做有D成绩，装备亦都买唔少，但总系好似差左少少…差左百里行！
报左名，一拖再拖，最后一个月先叫做努力D去练习…每次练完返来都觉得…唔够！究竟自己可唔可以完成？
甚至出发前都重怀疑紧自己，究竟能唔能够去到一个从来未到过的高度？
最后都系个句：「尽力去跑，唔好计较成绩！」

初三凌晨四点依自己惯例拜完车公后，返屋企收拾行装，怀住兴奋又怀疑慨心情上路去！系上水约埋六师兄、吉仔、佐治一齐，谁不知又巧遇Ricky，于是五佬齐齐过关去。
由于连日细雨，起点世界之窗地上已经系积水遍地，温度偏低，寒风刮面。
一开始起步后，由于路面状况并唔理想，大队速度偏慢，重可以见到最前面条人龙，
间中停灯位重可以跟上跑一阵，不过稍一放松就比人抛离，差距丫差距丫~起步时身上只着一件长袖T外加百里行T，沿途冰寒入骨，第二次同补给车会合马上多加一件外套保温。
行行重行行，滚滚还滚滚，跑左两个钟多D下腹响起警号…剧痛！
唔系病唔系饿唔系食错嘢，系肌肉应付唔到运动量…先刚刚开始两个钟！
放弃继续跑用对讲机叫补给车系一个方法，但自己选择挨落去…无理由一开始就认输o架…庆幸自己无放弃，挨左几个钟头后系不知不觉间克服左，能力上升！
跟住发觉右脚鞋垫改动加埋稍大关系，出现脚踭痛…挨！
再黎左右大腿内外侧都出现唔同程度酸痛…挨！
最后下背肌痛(呢个一向都有)…挨！
可以话…从来未试过慨，今次一剂过…
转头重要开始落雨，最终系一个凹坑献出我慨百里行第一P…
终于挨完首日上午路程，大家可以坐低食饭，拿拿声除右鞋抖抖，点知重脚趾抽筋…
原本食饭后打算2:30再次起程，谁知D雨一路落，雨唔系大，但系个个都清楚对轮滑有几大镬，本来算唔错慨地面会变得非常滑，只能够有限度用力，速度低之余同时非常消耗体力、精神。
而原本路面差慨地方直情变晒陷阱，危机四伏！
考虑安全问题等等，领队宣布各人可以选择直接坐车返酒店，亦可以选择继续。
自己话晒等左成年，无理由唔继续，上！
虽然有心，可惜无力，再次出发后耐力技术都令自己明显落后，而且脚趾不停抽筋，
最终系一个钟头后放弃，上车。
第一日累计跑左约59公里，系个人新记录，算系有D成绩。
到酒店冲完凉食完饭，就上四楼足浴放松下辛苦左成日慨双脚，35皮人仔九个字唔算平不过几舒服，同行某君重舒服到"训"左…完事跟手落一层去"欢迎Polly姐K大会"唱几首，跟住返房洗埋D啤令，发觉好多只都己经入水…拿拿声急救…都未搅掂又比Polly姐同6师兄拉去食宵夜…唯有草草了事…最后12点几先返房"训"差电…

第二朝8点落去餐厅食煲仔饭早餐，几唔错，饭后各人亦预备出动。
天依然落雨，上午一路上大队都保持住，期间陪Polly姐坐左两次车，应该少跑左5公里左右，可惜系无缘一试个"三级楼梯"…(坐车中)

第二日路面比较好，雨亦开始停止，速度较高，大家状态亦好好，顺利到达午饭地点…"回味鸡"
饭后继续上路，由于路面开始干爽，而进入市区车同人都开始多，部份队员开始落后，而我相反状态极住，积极利用气流节省体力，加埋第一日系众多高手身后偷师左一招半式，亦系小齐哥慨"意志！攞D意志出黎！"鼓励下集中精神全力跟住前列，终于能够不再上车，顺利到达终点…正佳广场。
其实整个下午，脑入面己经系一片空白，只能够尽量保持住呼吸，系唔抽筋慨情况下用尽力向前跑…如果唔系一早比前排抛离九条街。

今次两日路程总计大概155公里左右，即系我两日跑左130公里，算系目标完成但未系完满，出年再黎过！
一路上亲身感受大家互相扶持帮助，实在好开心、好享受，今次跑得好好好辛苦，但系好好好好好过瘾！
经过今次，我相信除左体能、耐力，我慨技术亦有唔少慨进步，
百里行的确系一个值得参与慨活动！
渠可以考验你装备、技术、体能、意志，重要加D运气…

系度都多谢Ricky哥，渠一路都可以跟系前排，但渠选择系后面帮我同Polly，实在系唔话得。

轮滑风

很难得，这么冷和下雨的天气都能完成全程。{:8_284:}